monumenta.ch > Plinius > sectio 248
Word Selection for Searching
Report an Error in this Sectio
Plinius, Naturalis Historia, 17, 248
{XXXIX} nec insitas circumfodere oportet, priusquam validae ferre coeperint poma. plurimae autem amputari sibi volunt onerosa ac supervacua, sicut nos ungues et capillum. reciduntur veteres totae ac rursus a stolone aliquo resurgunt, sed non omnes nec nisi quarum naturam pati diximus.